Corona Virus … passatempi casalinghi 3

Eh niente.. purtroppo continua el el Corona Virus…

Bisogna star in casa…

Non sempre va proprio tutto benissimo …questi infatti xe stadi i miei “passatempi casalinghi” odierni:

• ‘Iutar mia mama a farghe el bagno
• Ciorla su co la xe cascada
• Farghe la foto della botta che la se ga ciapado e mandarghela ala dotoressa
• Pregar che la dotoressa me ciami
• Pregar de no dover ‘ndar in Pronto Soccorso che in sto periodo no saria proprio el caso
• Pianzer cinque minuti e mezo
• Tirarse su perchè se crollo mi qua xe un cesso
• Ricever la telefonata tranquilizante dela dotoressa
• Sentirse dir al telefono da una conoscente “Tuto bene vero Rita?”
• Volerghe risponder :

“Cretina, assisto mia mama che – per l’amor de Dio xe combattiva all’ennesima potenza e la fa ancora tante robe – ma la ga 91 anni, devo star attenta che no la caschi, la ga una serie de patologie fisiche, un inizio de demenza, son da SOLA e te me dizi “tutto bene?” Come c…o te vol che sia tutto bene??

• Sceglier pitosto de risponderghe un serio “Al solito” perchè so che mia mama ghe tien tanto a sentirla (mi inveze no)
• Legger lamenti de persone che xe rabiade che bisogna star in casa
• Pensar che Anna Frank xe stada in casa do anni senza poderse mover perchè la gaveva paura che i la copi
• Ricordarse che anche mio papà in tempo de guera iera rimasto serado in casa più de un anno e el gaveva 18 anni

• Silenziar quindi immediatamente i miei lamenti che go de star casa venti giorni, piena de libri, de spesa a domicilio e de internet
• Sentir dir che “I governanti ci hanno tolto la socialità”
• Pensar che gavemo due scelte :

1. Socializzar tutti insieme e correr el grave rischio de finir in ospedal coi ospedali al collasso e col personale distrutto
2. Socializzar solo che su internet

• Sceglier la seconda opzion senza far tante storie

Socializzar col piato de capuzi e luganighe che go in congelator, pensar che la felicità xe una scelta e decider – nonostante tutto – de sceglierla, magari anche solo per due minuti e mezzo al giorno!

Alla prossima !