Corona Virus … passatempi casalinghi 2

Eh niente.. purtroppo xe el Corona Virus…

Bisogna star in casa…

Legio tanti sugerimenti su come passar sto periodo de quarantena, tipo:

1. Leger qualche bel libro
2. Meter in ordine
3. ‘Giustar le scansie
4. Netar la polvere
5. Ciamar i parenti
6. Seguir corsi de crescita personale

Ma xe ancora tante altre robe che se pol far, tipo:

1. Contar quante foje de rucola xe in t’un scartozo de 100 grammi
2. Pesar el grana con tutta la scorza

1. Pesarlo senza scorza
2. Disinfettarse la man insanguinada dopo che te ga tajà la scorza
3. Renderse conto de no gaver disinfetante in casa
4. Compilar l’autocertificazion per ‘ndar in farmacia per comprarte el disinfettante
5. Insanguinar l’autocertificazion
6. Sceglier de disinfetarse co la Rakija che te ga regalà i tui parenti istriani
7. Domandar perdono ala foto de tuo papà che te ga sprecado in sto modo la Rakija
8. ‘Ndar sul pergolo sperando in qualche flash mob
9. Vardar con noncuranza le due borse de scovaze che te ga sconto ieri
10. Scoprir che di fronte de ti xe uno che ga cinque borse sul pergolo (e ti inveze solo che due!)
11. Decider che te lo vol batter e de rivar a dieze borse sconte soto la sedia
12. Leger le sempiade che te ga scrito, pensar che le pol far sorider qualchedun e butarle sul tuo blog

Alla prossima !