https://www.debanfield.it/code/15862/201001-eurocarer
Eh niente, assisto mia mama (la “Vecia”) che ga la demenza senile, quindi son anche mi una dei tantissimi “caregiver”
E tutto sommato mia mama la xe ancora ben, perché a 91 anni la ga ancora voja de far i lavori de casa e de far de magnar! E i batudoni che la me fa??? Certe volte ridemo veramente de gusto 🙂
Pecà solo che : in t’ una giornata la xe capace de vederme come
- sua fia,
- sua nipote
- sua cugina
- sua nuora
- la signora che la ‘iuta
- un qualchedun de non ben identificado
Gnanca co go recitavo in teatro gavevo tute ste identità….
Pecà solo che: ogni tanto la casca, senza un motivo apparente, e quindi mi, a ogni minimo rumor ciapo paura come se me fossi entrada in casa de colpo l’Agenzia dele Entrate
Pecà solo che: la xe cascada un per de volte de notte ‘ndando e tornando dal bagno quindi desso go ciapado l’abitudine de alzarme anche mi co la sento ‘ndar in gabineto…
Cussì la matina go la stessa vitalità de una luganiga de cragno ‘ndada de mal.
Mia mama, povereta, la se anche ‘rabia co la me vedi vizin del gabineto perché la xe preoccupada per mi che no dormo più
Anche mi
Pecà solo che: la pensa che in sta casa ghe sia tanta de quela gente che ghe vol ben e che la aiuta
Ma son solo che mi
Pecà solo che: ogni due giorni la xe tuta agitada perché la vol parlar con i suoi genitori, e se mia mama ga 91 anni, i sui genitori i dovessi gaverghene per lo meno 130 …
Pecà solo che: ieri la iera triste perchè no la saveva che fine gaveva fatto suo fradel e suo marì
No go avudo el coraggio de dirghe che i xe morti
Pecà solo che : son terrorizzada che me succedi qualcossa perché se no son mi .. chi se ciol cura de “la Vecia”???
Ma soprattutto: ogni tanto me sento dir certe “perle” tipo queste:
- Ben, te son sua fia, te devi far! (te me dà ti la forza per andar avanti in certi momenti?)
- Ma se tua mamma al telefono la iera perfetta! (una telefonata dura cinque minuti e le altre 23 ore e 55 della giornata dove le metemo?)
- Ghe vol pazienza (in supercoop no i la vendi, ma no go ancora vardà su Amazon)
- Te se fidi a lassar mamma da sola in casa? (Scusa… te ga forsi visto come sta mia mama per domandarme sta roba? Te vivi con noi e no me go mai accorto?)
- Che fortunada che xe tua mama a gaverte!! (Ma gavè mai pensado a come me sento mi??? Gavè mai pensado che se me ammalo crolla tutto???? Scommetto de no, xe vero????)
Ringrazio l’Associazione de Banfield – Casa Viola – per aver scelto di pensare anche a noi, per cercare di dare voce e dignità anche al nostro di dolore e alle nostre urla troppo spesso chiuse nel nostro cuore
Casa Viola: Inserita nella tradizione dell’Associazione de Banfield, Casa Viola si rivolge in modo specifico ai caregiver di persone con demenza ai quali offre un luogo di riferimento per ricevere informazioni, sostegno, strumenti per prendersi cura di sé, oltre che del familiare ammalato (Fonte: Caregiver Academy – La persona con demenza e la sua famiglia)
Alla prossima!
0 commenti