San Donà di Piave – seconda puntata
…Vado via de sto tabachin un poco ‘rabiada e un poco confusa e me incammino su un viale principale, perché so che el viale principale porta sempre da qualche parte.. ma per esser proprio sicura sicura impizo subito google zercando “Cose da vedere a San Donà di Piave” e el cellulare, prontissimo come sempre, el me dizi che ghe xe sicuro qualcossa de veder in via XIII Martiri e mi lo seguo anche se no so gnanca chi che xe sti tredize Martiri
Lungo sto viale ghe xe però un’infinita serie de casette tutte uguali, coi giardinetti tutti uguali, tutte una drio l’altra, e no posso proprio far a meno de pensar: “Ma se qua xe solo che casette col giardinetto, se pol saver cossa magna sta gente?? No xe gnanca una picia boteghetta!!! Se un ghe vien voja de magnarse un panin de cotto caldo col kren dove xe che pol ‘ndar??”
Dopo questo mio importante quesito esistenziale che probabilmente xe rivado per salvarme dalla noia, ocio!! vedo che el panorama xe completamente cambiado e sta novità me ga tuta scombusolà
Perchè dale casete col picio giardinetto semo passadi alle ville col grande giardin quindi penso che sicuramente sarò entrada nella via dei ricchi, lora meto subito su i ociai e vardo el cognome sula campanella .. cossa xe scritto? “Sonime dei ciò, che te porto a Caltanissetta” ..
Ma no dai che scherzo!! Xe scritto inveze “Dottor tal dei tali” e lora vado vanti e xe de novo un’ altra villa con un altro giardin, vardo sula campanela e xe scritto “Dottor tal dei tali due” e lora subito subito me vien in ‘na mente un piano strategico per evitarme un futuro ormai certo da zitella, ve prego ste atenti: “Desso sono la campanella, fazo finta che stago mal, nel frattempo me sbotono la camizetta, el dottor vien zo, se innamora de mi, e vissero tutti felici e contenti”… ma me go subito ricordà che go i baffi e lora son scampada via!
Continua…
Alla prossima !
0 commenti