Eh niente, anche sto anno Cindy Crawford xe tornada a bever the
Ma prima la ne conta anca i sui segreti per rinfrescarse…… Ocio… ciolè carta e penna che dopo che saverè i sui segreti, cambierà le vostre estati..
La mula .. zerca l’ombra…
Ma vara ti.. pensavo che in estate – per rinfrescarse – una dovessi zercar el sol a 45 gradi ale due de dopopranzo
Ma no xe finida qua…
In sta reclame, la ga un fisico che mi gavevo solo che nei miei sogni più segreti..quei che me scattava dopo che tornavo a casa da un pranzo de nozze in cui me gavevo magnado le mie 24 portate, la gamba del tavolo e se no iero sazia anche la gamba del camerier
Ela no.
Ela el fisicon la lo ga sul serio
E per gaver sto fisicon cossa la fa?
- La magna una foja de salata senza oio?
- La ciol integratori anti radicali liberi ogni dodici minuti e mezzo?
- La fa yoga per no rabiarse quando Gildo ghe toca el cul ?
NO
La bevi una fiascheta de the…
Giuro che doman corro a comprar 72 fiasche de quel the, e ghe ne bevo una ogni cinque minuti e mezo…cussì a fine giornata dovessi gaver perso 30 chili e gaver più o meno 22 anni e mezzo
A ocio e croze credo che la giornata de doman finirà nel 2027 …
0 commenti