Eh niente.. purtroppo continua el Corona Virus…
Bisogna continuar star in casa…
Passatempi casalinghi odierni
- Scoltar angosciada el casin che fa quei sora de mi, pensar che se i se copa e se i me intervista quei de “Quarto Grado” go i cavei pezo che quei de Gildo (noto personaggio folkloristico triestino)
- ‘Ndarse a dar una petinada
- Incastrar el petine nei rizi e decider che se i me intervista quei de “Quarto Grado” me coverzerò i cavei con la più bela straza de piati che go in corredo
- Rider come una sempia per sta decision
- Sentirse ciapar improvisamente da una smania per netar el frigidaire
- Preocuparse e ‘ndarse butar sul divano sperando che passi
- Insognarse de gaver netado tuto e sveiarse felice
- ‘Ndar netar sto benedeto frigidaire
- Finir tuto e pensar “Che bel, cossa posso netar ‘desso?”
- Vardarse in specio per assicurarse de esser proprio mi a gaver dito sta cagada
- Preocuparse che no sento più nissun rumor da quei che xe sora de mi
- Ricominciar tuto dal punto 1
- Pensar che con sti miei post forsi posso ‘iutar qualchedun a sorrider anche in sti tristissimi tempi …
- Sceglier quindi de continuar a conzarli sul blog 🙂
Alla prossima!
0 commenti