Eh niente… xe Nadal
Nadal xe …
- la festa della famiglia? Ma oggi … cossa vol dir oggi “famiglia”??? E no me interessa se la xe de un “qualche mulin”, se la xe colorada, unisex, plurisex, o sex e basta… , mi me domando “Cossa vol dir oggi famiglia??”
- la festa dei commercianti? Perchè semo tuti come zurli che zerchemo un regaleto anche per chi ne sta sul cul, ma no se sai mai che magari el me se presenta davanti con una renna de plastica de un centimetro e mezo, almeno che ghe contraccambio con un Babbo Natale de due centimetri e mezo
- la festa del albero de Nadal? Finto che xe ecologico, vero che xe scich ma te devi tirar su le sue scovaze almeno fin al Mercoledì dele Ceneri
- la festa dele pescherie che con i affari che i fa in sti giorni i ottien un incasso che i xe boni almeno fin al Mercoledì dele Ceneri?
- la festa dei boni sentimenti? A Natale siamo tutti più buoni? E perchè? Chi lo ga dito? Esser un pochetin meno disgraziai tutto l’anno saria za un bon punto de partenza
- la festa de Gesù? Ecco ecco ecco…. me piazessi che tornassi a essere un pochetin de più la Sua festa con tuti i bei regaleti che la ne porta …unione, parità, amicizia, rispetto, uguaglianza per tutti, poveri, ricchi, neri, bianchi, unisex, plurisex o sex e basta…
E me piazessi che tornassi a esser la Sua festa e che quindi se scambiassimo sti “regaleti” non solo el 25 de dicembre, ma tipo dal 1 genaio al 31 de dicembre (Mercoledì dele Ceneri compreso)
Si si eco el mio augurio per tutti quanti noi, so che qualchedun lo buterà in scovazon e me dirà che son antica, che son vintage, e che no son più divertente come che iero una volta, ecc. ecc..
E mi cossa farò?
Niente… ringrazierò … e continuerò ad augurarve un Buon Natale da oggi fin almeno al Mercoledì delle Ceneri 🙂
Dopo, se gavè piazer, podemo anca scambiarse un pandoro, un paneton o anca un Babbo Natale alto due centimetri e mezzo 🙂
Alla prossima!
0 commenti