Gentilissima Signora Illustrissima Sua Maestà Regina Elisabetta, (spero che go scrito tuto giusto, che no vojo far bruta figura!)
Go sentido che la zerca un “social media manager” per “ aggiornare i siti della Corona, scrivere articoli e post”
Per candidarsi c’è tempo fino al 26 maggio. Ma chi invierà il proprio curriculum, deve essere consapevole che, se assunto, avrà a che fare con la terribile Meghan. La Duchessa in pochissimo tempo a fatto terra bruciata intorno a sé e diversi suoi collaboratori si sono licenziati perché estenuati dalle sue richieste impossibili.
Illustrissima, no cori che la zerchi più !!!
La me ga trovado a a mi!
Desso però ghe vol che me presento, perchè vojo che la capissi che mi e lei gavemo tante robe in comune, e sopratutto che mi son una doneta bastanza braveta:
- me ciamo Rita e son de Trieste, una cità che xe un pochetin come Londra, perchè anche de noi xe sempre vignui tutti de tuto el mondo, e un vero triestin che se rispeti ghe parla a tuti sempre e solo in dialeto, proprio come fazè voi che ghe parlè a tutti sempre e solo in inglese,
- solo che voi, la scusi se me permetto, se un poco “crodighe” perchè ghe parlè a tutti in inglese e, se el poveretto che parla con voi no ve capissi , voi no lo gavè gnanca pel cul;
- noi inveze, anche se l’altro no capissi un klinz de quel che parlemo, finimo sempre e comunque per ‘ndar a magnar con lui una luganiga de cragno de Bepi S’ciavo, e za che xe, anche a bever un bicier de teran,
- me ocupo de mia mama “la Vecia” che ga 90 anni, e quindi son bituada a gaver a che far con chi, come lei, iera giovine nel millenovecento e ciapilo,
- posso portar oviamente su anche mia mama xe vero? La stia tranquila che co ghe diro’ de questa mia nova assunzion, mia mama preparerà 7504 straze per la polvere per netarghe el como’, e se vanza straze, anche tuti i sui capei,
- la aviso che mia mama viagia solo in machina e con ela no se pol ‘ndar oltre a 50 km all’ora, quindi per piacer la se dia una mossa a ciorme, cussì fazo la valigia za stasera e rivemo vignir de lei verso Nadal del 2020,
- go un bellissimo blog – ilmondodirita.it – e tanti followers (ciau ciau a tutti i miei followers) a cui ghe vojo tanto ben,
- da come che go leto, me par che Meghan sia un poco crodiga, ma no la se stia preoccupar, la ghe dizi a sta putela che inveze a mi la me volerà ben e no la me licenzierà, perchè pena che la vedo la porto subito subito in gita de Mirela e quindi no la poderà far a meno de inamorarse de sto negozio e del gran “savoir faire” de tuto el personale e sopratutto dei regaleti che ghe fa Mirela
Se la vol saver ancora qualcossa, la me scrivi pur la sa, che ghe rispondo sai volentieri!
Cordiali saluti a lei e a tutti quanti voi, no scrivo tutti i nomi che gavè e quanti che se perchè go paura de finir per Pasqua 2027 e mi me piazessi esser assunta un poco prima
Se la vien trovarme, mia mama ghe farà una tortina, e dopo la portemo in gita de Mirela anche a lei.
Desso la devo proprio saludar, la sa Illustrissima ??
La speto con infinita deferenza e soprattutto con un piato de luganighe de cragno
Distinti saluti
Rita
Alla prossima!
0 commenti