Buon Natale!

Eh niente… stamattina se ga tuti ricordà che esisti le pescherie … pareva de esser da Mirella .. inveze iera solo la fila per comprar un branzin …

Bon.. i pescivendoli gaverà festeggiado .. e mi son sempre contenta quando che gira l’economia … perchè forsi se semo tuti più ricchi qualcossa me vien in tasca anche a mi .. magari un sardon . ma mi me fa piazer perchè el pesse fa ben ..

No stemo dir i panetoni che xe in supercoop… andemo dalla versione classica alla versione con crema di late de cocodrilo del Madagascar..

Ma mi me acontento dela versione con farina, late e zucchero e ovi, fata lievitar dalla fine de otobre a l’altro ieri ..

Perchè per ogni paneton ghe vol un suo tempo se te vol che sia bon … un poco come per ogni roba dela nostra vita ..

Ah si .. cussì che no par .. Buon Natale a tutti !! Perchè el Nadal no sia solo el branzin o el paneton .. ma anche qualcossa altro .. a voi scoprir cossa.. e se gavè piazer condividè qua in gruppo che saremo tutti contenti …

Boni panetoni a tutti !!!

Alla prossima!