Eh niente.. go fato un day hospital
Di seguito i momenti salienti … ..
Colloquio con l’anestesista qualche giorno prima del’intervento:
“Dotor la me dizi la verità”
“Signora no la se preoccupi no xe niente”
“Ma si, go sai piazer, ma pitosto la me dizi … xe vero che el giorno del’intervento .. … (pausa de intensa riflession interiore che ga durado circa un tre minuti e mezzo…) .
“NO SE MAGNA NIENTE???”
Risposta del dotor “No signora no se magna niente”
Subito mosso a compassion dal dolor che me xe esploso dentro e che vigniva fora anche dalla mia borsetta, l’anestesista me ga subito dito “però la sera prima dell’intervento puo’ mangiare fino a mezzanotte”
No iero cussì contenta gnanca quando l’impiegata del’agenzia dele Entrate me ga anulado la cartela de 500 euro
La sera prima del’intervento, memore de quel che me ga dito l’anestesista (mi scolto sempre tutti) zeno presto e verso le 22 e 30 meto su do spagheti con la salsa…
La mattina dell’intervento :
Vado in ospedal ale 7 e 30 (come da istruzioni .. e mi scolto sempre tutti)
Un’ infermiera me subito interroga e me chiedi “Signora Rita, a che ora e cosa ha mangiato ieri sera?”
No i me interrogava dal 1988 e quindi go subito comincia’ sudar per l’agitazion… soprattutto perchè go pensado .. “Ma ghe devo proprio dir che magnado un eto de pastasutta ale undici de sera? Mi ghe digo che go magnado due fette biscottate col the e co vado fora del’ospedal me ‘ndaro’ confessar dal prete de Rojan“
Ma go scelto de dirghe la verità …e dir la verità paga sempre .. infatti l’infermiera no me ga avudo gnanca pel cul
Momenti strazianti del day hospital: Le 24 telefonade de mia mamma
Di seguito i suoi commenti più intensi:
Mamma: Come al solito mi te ciamo e no te me rispondi mai al telefono
Rita: Te ricordo che son in ospedal e non in gita a San Dorligo
Mamma: Ara ghe xe dale tre de matina che prego per ti
Rita: Orpo, con tute ste preghiere no gavero’ più una malatia per i prossimi zinquanta anni
Mamma: Go pregà san Gaspare e Sant’Antonio che ne aiuti
Rita: Za che te son prega anche l’amministrator de condominio che ne sbassi le spese
Mamma: Te ga magnà???
Rita: mezz’ora continuata de pianto ………
Alla prossima!
0 commenti